2025 жылғы 15 маусымда Астана қаласы бойынша Қылмыстық-атқару жүйесі Департаментінің №3 мекемесінде Медицина қызметкерлері күніне арналған салтанатты іс-шара өтті. Бұл күн – адамдардың өмірі мен денсаулығын қорғау жолында күн сайын аянбай еңбек етіп жүрген жандарға шынайы алғыс пен құрмет білдірудің ерекше себебі болды.
Аппараттық кеңес аясында мекеменің медициналық қызметкері адал еңбегі, жоғары кәсібилігі және өз ісіне деген адалдығы үшін Құрмет грамотасымен марапатталды.
Ұжым алдында сөйлеген сөзінде мекеме бастығы қылмыстық-атқару жүйесіндегі медицина мамандарының еңбегінің маңыздылығына тоқталып, сотталғандар мен қызметкерлердің денсаулығын сақтау және ұстау жағдайларын қамтамасыз етудегі олардың зор үлесін атап өтті.
