№79 мекемесі жанындағы жалпы орта білім беретін мектепте темір тордың ар жағында жүргендер үшін де 23 мамырда «соңғы қоңырау» соғылды. Салтанатты шараға мектеп оқушылары, мектепті бітіруші түлектер мен ұстаздары тыңғылықты дайындалды.
Қылмыстық атқару жүйесі департаментінің түзету мекемесіндегі мектепте орта білім алмаған сотталушылар оқиды. Бүгінде орта мектепті 3 оқушы тәмамдағалы отыр.” Соңғы қоңырау» мерекесінде мектеп басшылығы оқушыларға мақтау қағаздары мен алғыс хаттар табыс етті. Енді түрмедегі түлектер үшін алда емтихан сынақтары қалды. Емтиханнан сүрінбей өткендер орта мектепті тәмамдағаны туралы аттестат алатын болады.