2025 жылдың мамыр айында #79 мекемесінде тәрбие бөлімі мен колледж психологтарының ұйымдастыруымен «Бақыт – жан тыныштығында, ал жан тыныштығы – бәрін қабылдай білуде» тақырыбында психологиялық тренинг өткізілді. Аталған іс-шараға мекемеде жазасын өтеуші азаматшалар, соның ішінде колледжде білім алып жатқан студенттер қатысты.
Тренингтің мақсаты – сотталған азаматшалардың психологиялық жағдайына оң әсер ету, ішкі жан дүниесін түсінуге көмектесу, күйзелісті жеңу, өзін-өзі қабылдау және жан тыныштығын табу жолдарын үйрету.
Іс-шара аясында психологтар түрлі жаттығулар мен медитациялық әдістер арқылы қатысушылардың эмоциялық жағдайын жеңілдетіп, өмірге деген оң көзқарасты қалыптастыруға ықпал етті. Қатысушылар ашық диалогқа қатысып, өз пікірлері мен сезімдерін білдіруге мүмкіндік алды.
