2025 жылғы 15 сәуірде Адам құқықтары жөніндегі өкіл Баян Жалмағанбетова Астана қаласындағы №64 мекемеде прокуратура және тергеу органдарының өкілдерімен бірлесіп азаматтарды қабылдау өткізді.
Жеке қабылдау барысында екі қамаудағы азамат тергеу әрекеттеріне байланысты шағымдарын білдірді. Қамалғандардың айтуынша, тергеу процесінде олардың құқықтары бұзылған, атап айтқанда, тергеу әрекеттерінің заңдылығына күмән келтірілді.
Аталған шағымдардың негізінде Адам құқықтары жөніндегі өкілдің бастамасымен Сарыарқа ауданының прокуратурасы және тергеушілермен бірлескен қабылдау ұйымдастырылды. Қабылдау барысында әрбір шағым егжей-тегжейлі қаралып, тиісті түсіндірмелер берілді.
