Әл-Фараби атындағы Қазақ ұлттық университеті заң факультеті — еліміздің құқықтық жүйесін дамытуда, сондай-ақ қоғамдағы әділеттілік, құқықтық мәдениет пен демократиялық принциптердің орнығуына айтарлықтай үлес қосып келе жатқан білім ордасы. Бұл факультеттен шыққан әрбір түлек еліміздің дамуына елеулі ықпал етіп, құқық саласында маңызды жетістіктерге жетті. Оқу ордамыздың түлектері тек еліміздің ғана емес, халықаралық деңгейде де құқықтық реформалар мен әлеуметтік әділеттілікті орнатуда белсенді жұмыс атқарып жүр. Қазақстан Республикасының тәуелсіздігін алғаннан кейін елімізде құқықтық жүйені жаңарту, заңдарды жетілдіру мәселесі маңызды орын алды. Осы уақытта заң факультетінің түлектері еліміздің заң саласындағы реформаларға белсене қатысып, мемлекеттік басқару құрылымында және заңгерлік қызметтерде маңызды рөл атқарды. Заң факультетінің түлектері түрлі мемлекеттік және жеке секторларда қызмет етіп, Қазақстанның құқықтық жүйесін халықаралық стандарттарға сәйкестендіруге атсалысты. Олардың қатарында еліміздің жоғары мемлекеттік органдарында қызмет атқарып жүрген заңгерлер, судьялар, прокурорлар, адвокаттар және құқық қорғаушылар бар. Бұл адамдар өздерінің кәсіби білімдері мен дағдыларын заңдарды жетілдіру, әділдік пен құқық қорғауды қамтамасыз ету мақсатында пайдаланып келеді.
Заң факультетінің дамуына азаматтық құқық және азаматтық іс жүргізу,еңбек құқығы кафедрасы өз үлесін қосуда. Кафедра түлектері қоғамда әділеттілікті орнату, заң үстемдігін қамтамасыз ету үшін көптеген қоғамдық жобалар мен бастамаларға қатысуда. Олар халықтың құқықтарын қорғап, әлеуметтік әділеттілікке қол жеткізу үшін түрлі үкіметтік емес ұйымдар мен құқық қорғау ұйымдарында қызмет атқарады. Мұндай бастамалар Қазақстандағы заңнамалық өзгерістердің негізін қалауға және қоғамдағы құқықтық мәдениетті көтеруге бағытталған.Кафедрамыздың түлектері тек құқық саласындағы мамандарды ғана емес, сонымен бірге болашақтың көшбасшыларын, қоғамды жақсартушы заңгерлерді дайындап жатыр және еліміздегі ең үздік білім ордасы ретінде өзінің тәжірибелі оқытушыларымен, жаңартылған оқу бағдарламаларымен, заманауи зерттеу әдістерімен танымал.
Заң факультетінің түлектері еліміздің дамуына үлкен үлес қосып келеді. Олар мемлекеттік қызметте, халықаралық аренада, құқық қорғаушы ұйымдарда және қоғамның түрлі салаларында қызмет атқарып, Қазақстанның құқықтық жүйесін жақсартуға ықпал етуде. Осы түлектердің кәсіби біліктілігі, адалдығы мен еңбекқорлығы қоғамда әділдік пен заңдылықты сақтау, құқық қорғауды қамтамасыз ету жолында маңызды рөл атқарады. Университет түлектері тек еліміздің емес, халықаралық қоғамдастықтың да игілігі үшін жұмыс істей отырып, Қазақстанның өркениетті, құқықтық және демократиялық қоғам құру бағытындағы маңызды қадамдарын жүзеге асыруда.
Сулейменова С.Ж
әл-Фараби атындағы ҚазҰУ-дың заң факультеті азаматтық құқық және азаматтық іс жүргізу,еңбек құқығы кафедрасының меңгерушісі,заң ғылымдарының докторы,профессор
