Алматы облысындағы №14 мекемеге тыйым салынған заттарды лақтыру әрекетінің жолы кесілді.
Мекеме қызметкерлері полиция қызметкерлерімен және 3660 әскери бөлімінің әскери қызметшілерімен бірлесіп, мекеме аумағына заттарды заңсыз өткізуге әрекеттенген екі адамды ұстады.
Тексеру барысында пакеттің ішінен өсімдік тектес зат пен ұялы телефон табылды. Аталған заттың нақты сипаты сараптама нәтижесінде анықталады.
Оқиға орнына Алатау қаласының жедел-тергеу тобы шақырылды.
Алынған заттар одан әрі тексеру үшін тапсырылды. Оқиға бойынша тексеру жүргізілуде.
Алматы және Жетісу облыстары бойынша Қылмыстық-атқару жүйесі департаменті мекемелер аумағына тыйым салынған заттарды өткізу әрекеті үшін Қазақстан Республикасының заңнамасына сәйкес жауапкершілік көзделгенін ескертеді.
