Атырау облысы бойынша қылмыстық — атқару жүйесі департаментінің 79 мекемесінде 22 наурыз мерекесі аталып өтті. Бұл шараға Атырау облысы бойынша ҚАЖ департаментінің басшылығы, департаментке қаоасты мекемелердің басшылары және мекеменің жеке құрамы түгелдей қатысты. Наурыз – қазақ халқының ең маңызды ұлттық мейрамдарының бірі, табиғаттың жаңаруы мен көктемнің келуін білдіретін ерекше уақыт. Бұл күнді атап өту – ұлттың рухани мәдениетін, тарихын және салт-дәстүрін құрметтеу болып табылады.
Мерекелік бағдарламаның аясында ұлттық ойындар, түрлі мәдени шаралар мен концерттер ұйымдастырылды. Ұлттық тағамдармен әзірленген дастархан қонақтарды дәмді дәмімен тамсандырды, әрі бұл мейрамның ерекше сәнін келтірді. Іс-шараның басты мақсаты – жас мамандар мен қызметкерлерді отансүйгіштікке тәрбиелеу және ұлттық дәстүрлерді қайта жаңғырту. Шара соңында ұлттық ойын түрлерінен қызметкерлер бақ сынасты, сайыста алға ұмтылып жеңіске жеткен қызметкерлерді департамент бастығы Азамат Абдуғалиұлы Дипломмен марапаттады. Мерекеге қатысушылар өзара ізгі тілектер мен құттықтауларын білдіріп, жаңа жылда жетістік пен бақыт тілеп, болашаққа деген сенімдерін нығайтты.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
