Қазақстан Республикасы қылмыстық-атқару жүйесі Комитеті №19 мекемесінің офицерлері ұжымдағы әйелдер қауымын ерекше нақышта құттықтады. Офицерлер ұжымдас әйел қауымын таңертең мекеме кіре берісінен гүл шоғымен қарсы алып, жұмыс орындарына көтеріңкі көңіл күймен шығарып салды. Түскі үзілісте салтанатты іс-шара ұйымдастырылып, онда мекеме бастығының құқығымен әйел қызметкерлер, адал қызметтері мен жоғары көрсеткіштері үшін марапатталды. Іс-шара соңынан арнайы даярланған концерттік бағдарлама тамашаланды.
Бүгінгі мерекені ерекше жақсы көремін. Бұл мерекенің тарихы да, әйел адамдар үшін алатын орны ерекше. Бүгінгі әйел қауымы үшін арнайы даярланған бағдарлама үшін ер азаматтарға алғысымыз шексіз.-дейді мекеменің тәрбие және кадр бөлімінің бастығы Дидар Жумаханова