Алматы және Жетісу облыстары бойынша ҚАЖД №12 мекемесінде қазақ әдебиетінің аса көрнекті өкілі, ақиық ақын Мұқағали Мақатаевтың 90 жылдық мерейтойына орай «Мен қайта ораламын» атты әдеби кеш өтті. Іс-шараны мекеменің тәрбие жұмысы бөлімі ұйымдастырды.
Әдеби кеш аясында сотталған азаматтар ақынның өлеңдерін жатқа оқып, оның шығармашылығына арналған көркемсөз байқауына қатысты.
Қатысушылар Мұқағалидің шығармаларындағы терең мағына мен көркемдікті жеткізуге тырысты. Байқау барысында сотталғандар ақынның жүрек тебірентерлік өлеңдерін нақышына келтіре оқып, өздерінің әдебиетке деген сүйіспеншілігін паш етті.
«Мұндай рухани-мәдени шаралар сотталған азаматтардың ішкі жан дүниесін байытып, оларды әдебиетке, өнерге баулу арқылы оң өзгерістерге жетелейді. Сонымен қатар, Мұқағали шығармашылығының мәңгілік құндылықтары арқылы олардың рухани түлеуіне ықпал етеді»,- деп атап өтті мекеме бастығы Ғалибек Төлепберген.
Шара соңында үздік деп танылған қатысушылар арнайы грамоталармен марапатталды.
«ҚАЖ мекемелерінде осындай іс-шараларды өткізу сотталғандардың мәдени және рухани дамуына септігін тигізіп, олардың қоғамға қайта бейімделуіне оң әсерін тигізеді»,- деп бөлісті ҚАЖД бастығының орынбасары Магнис Сабиров.
