Алматы және Жетісу облыстары бойынша ҚАЖ Департаментінің №14 мекемесінде «Ақниет» қоғамдық қорының имам-теологы Рүстем Молдахметов дін ұстанушы сотталғандармен кездесу өткізді.
Іс-шара барысында имам-теолог жиналғандарға ислам дінінің Әбу Ханифа мәзһабы туралы дәріс оқып, оның негізгі қағидаларын түсіндірді.
Мекемеде мұндай кездесулерді тұрақты түрде ұйымдастырудың басты мақсаты – терроризм мен діни экстремизм идеологиясын ұстанатын сотталғандарды радикалды көзқарастардан арылту, олардың дұрыс діни түсініктерін қалыптастыру.
Жалпы, ҚАЖ мекемелерінде психологтар, теологтар және имамдар өткізетін осындай кездесулер жазасын өтеушілердің діни сауаттылығын арттырып, олардың діни көзқарастарын оң арнаға бағыттауға зор ықпал етеді.
