Болашаққа қадам басқан түлектерге бағыт-бағдар беру мақсатында, Алматы және Жетісу облыстары бойынша ҚАЖД №49 мекеме қызметкерлері Балқаш ауданының оқушыларына кәсіби бағдар беру жиынын өткізді. Бақанас ауылындағы №5 мектептің түлектері Бейсекбаева атындағы мектеп-гимназиясына жиналып, 350-ден астам оқушы мамандық таңдау жөнінде маңызды ақпарат алды.
Сонымен қатар, Бақбақты ауылындағы 3 мектеп, Арна ауылындағы мектеп, Қонаев кәсіби мектебі және Жаркент қаласындағы Б. Момышұлы атындағы мектептен келген 500-ге жуық түлектерде осындай шараға белсенді қатысты.
Іс-шараның негізгі мақсаты – мектеп бітірушілерге Қостанай ІІМ Академиясына оқуға түсуге бағдар беру, әрі қарай жұмысқа орналасу мүмкіндіктерін түсіндіру. Түлектер өздерін қызықтырған сұрақтарын қойып, қажетті ақпарат алды.
Бұл кездесулер көптеген түлектердің мамандық таңдауына оң әсер етіп, олардың сенімді шешім қабылдауына көмектесті.