Қызылорда облысы бойынша ҚАЖ департаментінің №37 мекемесінде жазасын өтеушілерді жұмыспен қамту бағытындағы жұмыстар тұрақты түрде жүзеге асырылуда. Сотталған азаматтарды еңбекке тарту олардың қоғамға қайта бейімделуіне ықпал етіп, бос уақыттарын тиімді пайдалануға мүмкіндік береді.
Осы мақсатта мекеме әкімшілігі жеке кәсіпкерлермен бірлесіп, жұмыс орындарын ашу бойынша келіссөздер жүргізуде. Бүгін тағы екі кәсіпкермен кездесу ұйымдастырылып, 20-дан астам сотталғанды тұрақты жұмыспен қамту мәселесі талқыланды.
Жергілікті “ЕТемір” жеке кәсіпкерлігі темір тор және тікен сымдар өндірумен айналысады, ал екінші кәсіпкер өзіне қарасты көлік жөндеу орталығына техниканың тілін білетін сотталғандарды жұмысқа алуды жоспарлап отыр.Сотталғандардың еңбегін ұйымдастыру тобының инспекторы, әділет капитаны Саягүл Кенжеғұлованың айтуынша қазіргі таңда қала аумағында 19 кәсіпкер сотталған азаматтарды жұмысқа тартып отыр. Бүгінде бұл көрсеткіш артып, тағы 20 сотталған тұрақты жұмыспен қамтылды.
Жұмысқа орналасқан сотталғандар құрылыс, ағаш өңдеу, металл бұйымдарын жасау, көлік жөндеу сияқты түрлі салада еңбек етуде.
Мекеме әкімшілігі алдағы уақытта да сотталғандарды жұмыспен қамту бағытындағы жұмыстарды жалғастырып, олардың кәсіби дағдыларын жетілдіруге жағдай жасауды көздеп отыр,- дейді әділет капитаны.
12 маусым - Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
