Астана қаласы бойынша ҚАЖ департаментінің №3 мекемесінде 2024 жылы жедел-режимдік іс-шараларды өткізу шеңберінде мекеме аумағына мобильді құрылғыларды жасырын түрде кіргізу әрекетінің 26 дерегі тоқтатылған.
Қылмыстық-атқару заңнамасының талаптарын орындау мақсатында 2025 жыл қаңтар айында Астана қаласының қылмыстық істер жөніндегі ауданаралық сотында ашық сот отырысында режим бөлім қызметкерлерінің мекеменің ішкі тәртіп ережелерінде көзделмеген тәркіленіп алынған ұялы телефондар мен SIM карталарды мемлекет кірісіне айналдыру туралы ұсынысы қаралды. ҚР ҚАК-нің 98-бабын Басшылыққа ала отырып, сот режим бөлім қызметкерлерінің тыйым салынған заттарды мемлекет кірісіне тапсыру туралы ұсынысын қанағаттандырды.