Алматы қаласындағы ең маңызды жастар жобаларының бірі – 100 демалыс орталықтарының қызметін ұйымдастыру. Олардың жұмысы жасөспірімдер мен жастардың бос уақытын тиімді өткізуге және оларды әртүрлі үйірмелер мен секциялар арқылы микроаумақтарда, тұрғылықты мекенжайы бойынша жұмыспен қамту мәселелерін шешуге бағытталған. Бүгінгі таңда 100 демалыс орталығының базасында тұрақты және тегін негізде 300-ден астам үйірме мен секция жұмыс істейді.Аталмыш орталыққа баратын 14 пен 18 жас аралығындағы жастар құрайды. Бұл үйірмелер мен секциялардың жұмысы арқылы 12 000-нан астам жас, соның ішінде әлеуметтік осал топтардан шыққан жасөспірімдер мен жастар қамтылған.
2025 жылғы 22 қаңтарда Алмалы ауданының демалыс орталықтарының қызметiне арналған қоғамдық тыңдаулар өттi. Iс-шарада демалыс орталықтарының басшылары өткен жылғы атқарылған жұмыстар туралы есеп берiп, ағымдағы жылға арналған идеялар мен жоспарларды таныстырды. Тыңдауларға қоғам белсендiлерiнен, қоғамдық пiкiр көшбасшыларынан, үкiметтiк емес ұйымдардың, жастар кеңестерiнiң және қалалық қоғамдық өкiлдерiнен құралған комиссия қатысты.
Тыңдаулардың негiзгi мақсаты — демалыс орталықтары мен аудан тұрғындары арасындағы диалогты нығайту. Өткен жылғы жастарға арналған табысты жобалар, мәдени-ағартушылық iс-шаралар және азаматтардың спорттық белсендiлiгiн мен шығармашылық әлеуетiн дамытуға бағытталған бастамалар сияқты негiзгi жетiстiктер талқыланды.
Демалыс орталықтарының басшылары өз жұмысының одан әрi жетiлдiру жоспарына ерекше назар аударды. Ағымдағы жылдың басым мiндеттерiнiң қатарында: жаңа бiлiм беру бағдарламаларын енгiзу, экологиялық акциялар ұйымдастыру, жастардың шығармашылық бастамаларын қолдау және инклюзивтi жобаларды дамыту бар.
Қоғамдық тыңдаулар аудан тұрғындарының мәдени және әлеуметтiк дамуға қатысты мәселелерге деген жоғары қызығушылығын көрсете отырып, қоғам мен бос уақыт мекемелерi арасындағы әрiптестiктiң маңыздылығын растады.
«Біздің мақсатымыз – әр жасөспірімнің өз әлеуетін аша алатын жағдай жасау. Біз демалыс орталықтарын жай ғана сабақ өтетін орын емес, әлеуметтік бастамалар мен тұлғалық даму алаңына айналдыруға тырысамыз. Жаңғыртудың арқасында тек ғимараттарымыз ғана емес, жастардың өмірі де өзгере бастады. Робототехника мен қазақ тілі курстары сияқты жаңа секциялар жасөспірімдерге өзекті бағыттарда дамуға мүмкіндік береді. Біз тәрбиеленушілеріміздің жетістіктерін мақтан тұтамыз, олар тек халықаралық жарыстарда жеңіске жетіп қана қоймай, құрдастары үшін үлгі бола алды», – деп атап өтті «RAI» БО жетекшісі Бекзат Аманов.
Қазіргі уақытта бос уақыт орталықтары ХӘОТ санатына жататын жасөспірімдер мен жастар үшін жақсы әлеуметтік лифт болып табылады. Демалыс орталықтарының тәрбиеленушілері қалалық, республикалық және халықаралық конкурстар мен жарыстарға белсенді қатысып, жақсы нәтижелер көрсетуде. Жыл сайын орталықтар базасында 1000-нан астам әртүрлі форматтағы іс-шаралар өтіп, 500-ден астам бала түрлі жарыстарға қатысады.
Комиссия мүшелері бос уақыт орталықтарының жұмысын жоғары бағалап, олардың аудан тұрғындарының өмір сүру сапасын жақсартуға қосқан үлесін атап өтті. Сонымен қатар, халықпен өзара іс-қимылды күшейту, іс-шаралардың қамту аясын кеңейту және бағдарламалардың әртүрлі жас топтарына қолжетімділігін арттыру бойынша ұсыныстар берілді.
Айта кетейік, Алматы қаласының бос уақыт орталықтарының қызметі Алматы қаласы Жастар саясаты басқармасының қолдауымен жүзеге асырылуда.
