Полиция ақпаратының талдауына сәйкес, қоғамдық орындарда қылмыс пен құқық бұзушылық жағдайларының көпшілігі «отты судың» әсерінен болады. Жасыратыны жоқ, алкоголизм басқаларға теріс әсер етеді және көптеген адамдардың тағдырын бұзады. Сондықтан қоғамдық орындарда мас күйде болу фактілерін анықтау және жолын кесу полицияның өзекті міндеттерінің бірі болып табылады.
- Ең алдымен, қоғамдық жерде мас болу – бұл әдептілік пен қоғамдық тәртіпті бұзу. Көптеген ішімдік ішкен азаматтар мұндай жағдай болмайды деп санайды, бірақ ол қауіпті, өйткені алкоголь кез-келген адамның мінез-құлқына әсер етеді. Мысалы, 26 желтоқсанда Түрксіб ст.ЖПб қызметкерлері 55 Көкшетау-Қызылорда бағытында қатынайтын жолаушылар поезының бастығының актісі бойынша масаң күйде болған ер адамды пойыздан алып түсті. Келген патруль тәртіп бұзушыны медициналық куәландыруға алып келді, сараптама нәтижелері орташа алкогольдік масаңдықты көрсетті. Ер адамға қатысты ҚР ӘҚБК 440 — бабы 3 бөлігі бойынша әкімшілік хаттама толтырылды және Жамбыл облысы,Тұрар Рысқұлов аудандық сотының шешімі бойынша 2 күнге әкімшілік қамаққа алу жазасы белгіленді.
- Түрксіб ст.ЖПб
