Қазақ тілінің мемлекеттік мәртебесін 1993 жылғы Конституцияда бекітіп, 1997 жылы 11 шілдеде тәуелсіз Қазақстанның Тілдер туралы заңы қабылданды. Қазақтың тілі – қазақтың жаны. Тіл өткен тарихпен ғана емес, бүгін мен болашақты байланыстыратын құрал. Ал заманның ағымына қазақ тілін бейімдеу үшін латын қарпіне көшу қарқынды түрде жүзеге асып жатыр. Ендігі таңда қоғам алдында үлкен жауапкершілік тұр. Себебі бұл тұрғыда әрбір азамат мінез танытып, үлес қосуы маңызды.
Мемлекеттік тіл ұлттық бірегейлікті қалыптастыруда және мемлекеттің бірлігін қамтамасыз етуде шешуші рөл атқарады. Бұл азаматтар мен ресми органдар арасындағы қарым-қатынастың негізі, қоғамның тиімді жұмыс істеуіне ықпал етеді.
Қазақстан Республикасы Конституциясының 7-бабына сәйкес мемлекеттік тіл қазақ тілі болып табылады. Мемлекеттік тілдің мәртебесі оның заңнама, мемлекеттік басқару, сот ісін жүргізу тілі екенін білдіреді. Бұл рөлде қазақ тілі мемлекеттік тіл ретінде Қазақстан Республикасының бүкіл аумағында мемлекеттік және қоғамдық өмірдің барлық салаларында әрекет етеді.
Қазақ тілінің мемлекеттік тіл ретіндегі маңыздылығы мәдени бірлік пен ұлттық келісімді сақтау кезінде көрінеді. Қазақ тілі тек қарым-қатынас құралы ғана емес, сонымен қатар халықтың тарихи, дәстүрлері мен құндылықтарының тасымалдаушысы ретінде қызмет етеді. Ол мәдени мұраны сақтау мен беруді насихаттай отырып, адамдарды ортақ ұлттық тәжірибеге біріктіреді.
Мемлекеттік басқару саласында мемлекеттік тіл заңнаманың, құжаттаманың және ресми коммуникациялардың ажырамас бөлігі болып табылады. Бұл мемлекеттік органдар қызметіндегі айқындықты, ашықтықты және тиімділікті қамтамасыз етеді, сондай-ақ азаматтардың басқару жүйесіне деген сенімін нығайтады.
Шымкент қаласының мамандандырылған ауданаралық әкімшілік сотының бас маман-сот отырысының хатшысы М.Әшірбек
