Қызылорда облысы бойынша ҚАЖ департаментіне қарасы №60 мекеме психологтары жазасын өтеп жатқан сотталғадарға ойын терапиясын жүргізді.
Ойын терапиясы –арттерапияның түріне жатады. Бұл терапияны жүргізу әлеуметтік психологиялық мәселелерді жеңу үшін, күйзелістен шығу үшін емделудің бір тәсілі ретінде қолданылады. Сонымен қатар адамдар арасындағы жағымды мінез-құлықтары әлсіреген адамның өзін-өзі дұрыс тануына себепші болады. Мекеме психологтары мұндай терапияларды сотталғандармен психологиялық сауықтыру мақсатында жие жүргізіп отырады.
Бүгінгі ойын барысы сотталғандармен шағын ойыншықтарды қолдану арқылы жад есте сақтау қабілеттерін, зейінді жақсарту мақсаттында жүзеге асырылды. Есте сақтау ойындарын ойнау күнделікті күйзелістерден психикалық үзіліс береді және стресс пен алаңдаушылықты жеңілдетеді.
Мекеме психологы Сәбитбекқызы Салтанаттың айуынша «көптеген адамдар өз эмоциясынан ұялып, оларды жасырады, бірақ одан эмоция жоғалып кетпейді, олар біздің ішімізге жиналады, ал осындай терапиялық ойындар эмоцияны босатуға мүмкіндік береді»- дейді.
№60 мекеме баспасөз қызметі
