Абай облысында сотталғандар арасында суицидке қарсы тақырыпта шығармашылық сайыс өткізілді

Абай облысында қауіпсіздігі аралас мекемеде, сотталғандар арасында суицидке қарсы, «Менің жанұям» атты тақырыпта, шығармашылық сайыс өткізілді. Сайысқа барлығы бес сотталған қатысып, жүлделі үш орынды бөлісті. Сайысқа қатысушы сотталғандарға, сайыс барысында өздерінде бар балалары мен жолдастарының фотосуреттерін алдарына қоюға кеңес берілді. Сайыс қорытындысы бойынша жанұясының болашақтағы бейнесін қағаз бетіне шебер түсіре білген үш сотталған марапатталды.
Сайыс сотталғандардағы қорқыныш және жағымсыз эмоциялармен күресу процесін жеңілдетіп қана қоймайды, оларға өздерінің әл-ауқатын жақсартуға, өзін-өзі тану, өз өмірін бағалау, өз болашағын түзету сияқты мақсаттар береді. Әлеуметтік байланыстармен жұмыс қылмыстық-атқару жүйесінің ең маңызды факторлары болып табылады- дейді мекеменің маман-психологы Арай Кәдірбекова.