Алматы және Жетісу облыстары бойынша ҚАЖД №49 мекеме әкімшілігі сотталғандардың жұмысқа орналастырған кәсіпорындардың басшыларымен жұмыс кездесуін ұйымдастырды.
Кездесудің мақсаты — өндірістегі сотталғандардың жұмысына және жаза өтеудің тәртібіне кедергі келтіретін факторларды анықтау және жою. Жиында мекеменің өнеркәсіптік аймағындағы жұмыс уақытының ұзақтығы, соның ішінде сотталғандарды жұмыс орындарына апарып келу, тамақтандыруды ұйымдастыру, келісілген кестеден тыс істейтін жұмыстың төлемақысы сияқты өзекті мәселелері қарастырылды. Сондай-ақ әлеуметтік аударымдарды қоса алғанда, шағын және орта бизнес кәсіпорындарына жұмысқа орналасқан сотталғандарға еңбекақы төлеу мәселесі де талқыланды. Жұмыс кездесуі соңында проблемалық мәселелерді шешу мерзімдері анықталды.
Іс-шара ҚАЖ мекемелеріндегі жағдайды сауықтандыру үшін 2023-2025 жылдарға арналған Жол картасын жүзеге асыру аясында өткізілді.
