Алматы және Жетісу облыстары бойынша ҚАЖД Талғар аудандық пробация бөлімі есептегі сотталғандардың жаза өтеу мәселелері бойынша жұмыс кездесуін ұйымдастырды.
Жиынға Талғар ауданының жергілікті полиция қызметкерлері және аудандық прокуратура өкілдері қатысты.
Іс-шара барысында, пробация есебіндегі сотталғандардың жаза өтеу кезіндегі мүдделі органдар арасындағы өзара іс-қимыл қағидалары мен полиция бөлімшелері пробация қызметінің есебінде тұрған адамдардың мінез-құлқын бақылауды қамтамасыз ету мәселелері қарастырылды.
Сондай-ақ сотталғандардың жаңа қылмыстар мен әкімшілік құқық бұзушылықтар жасауының алдын алу бойынша профилактикалық жұмыстар жүргізіліп, сот жүктеген міндеттерді орындауын тексеру мақсатында, олардың тұрғылықты жеріне баруының бірлескен кестесі жасалды.
