Қоғамдық қауіпсіздікті қоғаммен әріптестікте қамтамасыз етудің 2024 — 2028 жылдарға арналған тұжырымдамасын іске асыру бойынша іс-шаралар жоспары аясында, №57 мекеменің сотталғандар еңбегін ұйымдастыру бөлімі дөңгелек үстел өткізді.
Іс-шараға Заречный ауылдық округі әкімінің орынбасары, Алматы облысы Кәсіпкерлер палатасы саланы дамыту және жобаларды қамтамасыз ету бөлімінің жетекші сарапшысы, ҚАЖД сотталғандардың еңбегін ұйымдастыру бөлімінің бас маманы, №57, 12 мекемелерінің кәсіптік колледж директорлары және «Еңбек – Жауғашты» РМК филиалының директорының өндіріс жөніндегі орынбасары қатысты.
Отырыс барысында мекеме аумағында сотталғандарды еңбек нарығында сұранысқа ие мамандықтар бойынша оқыту үшін қысқа мерзімді курстарды ашу мәселелері, сондай-ақ жұмыс істейтін өндіріс орындарын мемлекеттік тапсырыспен қамтамасыз ету мүмкіндіктері қарастырылды.
Қатысушылар №57 мекеме аумағында орналасқан кәсіптік колледж оқу базасымен, сондай-ақ «Еңбек – Жауғашты» мемлекеттік кәсіпорынның №3 өндірістік учаскесінің базасымен танысты.
