Жәрмеңкеге жұмыс іздеуші ретінде Қызылорда қалалық пробация қызметінің есебіндегі 21 сотталған қатысты. Нәтижесінде 12 азамат өздеріне лайықты жұмыс тауып, жолдама алды.
- Жаза басып, қоғамда қайта орнын тапқысы келген сотталған азаматтар үшiн бұл — үлкен мүмкіндік. Қылмысқа бой алдырған адамдардың басым бөлігі, жұмыссыздықтың салдарынан барады. Жұмыссыз үйде отырған адам ақша табу үшін ұрлыққа, тонауға баратыны айдан анық. Осындай қылмыстарды болдырмау үшін сотталған азаматтарды жұмысқа орналастырып, оларды пробация инспекторлары ұдайы бақылап отырады,-дейді Қызылорда қалалық пробация қызметі бастығының орынбасары әділет капитаны Гүлнұр Байсариева. Мен қалалық пробация қызметінің есебіне тұрғаныма көп болған жоқ. Әрине, өзімнің қателігімді түсінемін. Бүгін «Бос жұмыс орындары» жәрмеңкесінде мамандардан кеңес алып, жұмысқа жолданып отырмын. Адал еңбегіммен отбасымды асырауыма мүмкіндік берген пробация қызметінің қызметкерлеріне алғыс айтамын. Алдағы уақытта құқықбұзбауға тырысамын, — деді пробация қызметінің есебінде тұрған азамат.
