Абай облысында, Абай облысы бойынша ҚАЖД №19 мекемесінде ұсталатын сотталғандарды күзетуді жүзеге асыратын сарбаздар арасында кешенді психологиялық жұмыстар өткізілді.
Бұл кешенді жұмыс «Психогигиена және психопрофилактика» апталығында белгіленген іс-шара ретінде, ҚР Ұлттық ұланы №5511 әскери бөлімінің, атаулы мекемеде ұсталатын сотталғандарды күзету бойынша қарауыл құрамындағы сарбаздар арасында ұйымдастырылды. Жұмыс барысында сарбаздармен арт-терапия, психологиялық тренинг, және дәріс оқу қамтылды. Атаулы іс-шараға барлығы 19 сарбаз қатысып, маман-психологтардың зерделеуін өтті.
«Іс-шараның басты мақсаты, әскери қызметшілер арасында кикілжің, стресс, депрессияны болдырмау және оның алдын-алу болып табылады. Бүгін қамтылған сарбаздар арасында ондай топта жүргендер анықталмады», — дейді №19 мекеменің аға инспектор-психологы Надира Амангельдина.
