Ақтөбе облысының мамандандырылған ауданаралық әкімшілік сотының судьясы А.Ж.Абилгазина және бас маман А.А.Шекенова Қазақстан Республикасы ІІМ М.Бөкенбаев атындағы Ақтөбе заң институтының тыңдаушыларымен кездесу өткізді.
Кездесу барысында судья мамандандырылған ауданаралық әкімшілік сотының жұмысы туралы, атап айтқанда, әкімшілік сот ісін жүргізу ерекшеліктерін түсіндірді. Сонымен қатар сот корпусына маман тарту мақсатында, судья лауазымының үміткеріне қойылатын талаптар мен конкурс тәртібі туралы айтты.
Бас маман сот ісін жүргізудегі мемлекеттік тілдің маңыздылығын, бүгінгі күнде сот ісін жүргізуде және іс қағаздарының жүргізілуінде тіл туралы заңнама нормаларының толыққанды қолданылуына кедергі келтіретін проблемалық мәселелерді айтты. Алдағы уақытта құқық қорғау органдары қызметкерлері сотпен хат алмасу барысында тек мемлекеттік тілде рәсімдеуін тілге тие кетті. Шара соңында қонақтар тыңдаушылардың қызықтырған сұрақтарына жауап берді.
Ақтөбе облысының мамандандырылған ауданаралық әкімшілік сотының баспасөз қызметі
