Түркістан облысы, Төлеби аудандық пробация қызметі бөлімі есебінде тұрған тұлғалардың әлеуметтік-психологиялық портретін жасау үшін, №55-ші мекеменің сотталғандар арасында әлеуметтік психологиялық тәрбие жұмыстары бойынша бөлімінің аға инспектор-психологы, әділет аға лейтенанты Ш.Камаловамен «Ақ-Сұңқар» кешендік психодиагностикалық тексеру жүргізіліп, есепте тұрған әрбір сотталғанмен сұхбаттар жүргізілуде. Сұхбат барысында есепте тұрған тұлғаның жай-күйі, тұрмыс-тіршілігі, жақын жуықтарымен қарым-қатынасы, күнделікті болып жатқан оқиғаларға көзқарасы туралы ашық форматта әңгіме болады.
Психолог маманның пікірінше, мұндай тестлеулер пробация есебінде тұрған тұлғалардың айналасындағылармен тез тіл табысуына, бейімдік жағдайларының орнығуына көп көмегін тигізеді екен.
Шымкент қаласы және Түркістан облысы бойынша ҚАЖД-ның баспасөз қызметі
