Ақтөбе облысы бойынша ҚАЖ Департаментіне қарасты №70 мекемесінің кадр саясаты бөлімінің ұйымдастыруымен, мекеме қызметкерлері қызметтен тыс уақытта Ақтөбе қаласындағы Т.Ахтанов атындағы драма театрында болып, «Болашаққа хат» көрінісін тамашалады.
Театрдағы әдемі көрініс қызметкерлерге тәлім-тәрбиелік мәні зор рухани демалыс сыйлады.
«Жақсы демалыс — нәтижелі жұмыс кепілі. Сондықтан, алдағы уақытта да осындай қойылымдарға, яғни рухани жан азығын сыйлайтын орындарға мекеме қызметкерлерінің баруы жиі ұйымдастырылатын болады»,- дейді №70 мекемесінің Кадр саясаты бөлімінің кәсіби даярлық дене шынықтыру жөніндегі аға инспекторы әділет капитаны Орынтай Дулатов.
