Синоптиктер 11-13 шілдеде Қазақстанда ауа райы қандай болатыны туралы болжам жасады, — деп хабарлайды Tengrinews.kz.
Болжам бойынша, алдағы тәуліктерде Қазақстан аумағы арқылы батыс циклоны өтеді. Осыған сәйкес күн күркіреп, батыста, солтүстікте және республика орталығында бұршақ жауып, екпінді жел соғады. Республиканың шығысында, оңтүстігінде және оңтүстік-шығысында антициклонның екпінімен ауа райы жауын-шашынсыз болады.
«Барлық кезең бойынша солтүстікте, орталықта, 11-12 шілдеде солтүстік-батыста, 12-13 шілдеде оңтүстікте, 13 шілдеде Қазақстанның оңтүстік-шығысында 43 градусқа дейін өте қатты ыстық күтіледі», — делінген хабарламада.
