ШҚО бойынша ҚАЖ департаменті баспасөз қызметінің мәліметіне сүйенсек, # 16 мекемесінің қызметкерлері Халықаралық қарттар күніне орай әжелер мен аталарға арналған акция ұйымдастырды.
«Қарттар күні — бұл әрбір отбасы үшін ерекше күндердің бірі. Осы мерекеде барлық ізгі ниет пен шынайы тілектер қазыналы қариялар мен ақ жаулықты апаларға арналады. Акцияға ҚАЖД қызметкерлерінің балалары қатысып, зейнеткерлердің үйлеріне барып қайтты. Бұндағы мақсат — балаларды үлкендерге қамқорлықпен қарауға, мейірімділікке және жанашырлыққа тәрбиелеу», — деді мекеме бастығының орынбасары әділет майоры Бакытжан Ниязбеков.
Шара барысында аға ұрпаққа құттықтаулар айтылды. Балалар өлең оқып, ән айтып, өздері салған суреттерін табыстады. Қуаныштан көздеріне жас алған қарттар өз ризашылықтарын білдірді.
