spot_img
spot_img

ШЫҰ ЕЛДЕРІ ҚЫЛМЫСҚА ҚАРСЫ КҮРЕСТЕ КҮШ БІРІКТІРМЕК

Жақында Шанхай қаласында (ҚХР) Шанхай ынтымақтастық ұйымына (ШЫҰ) мүше мемлекеттердің әділет министрлігінің оныншы кеңесі өтті. Қазақстан Шанхай ынтымақтастық ұйымына мүше мемлекеттердің әділет министрлерінің кеңесінде ШЫҰ төрағалығын қабылдады.

Кеңеске ҚХР Орталық саяси-құқықтық комиссиясының хатшысы Чэнь Вэньцин, ШЫҰ Бас хатшысы және Шанхай ынтымақтастық ұйымға мүше мемлекет өкілдері қатысты. Кеңес барысында Әділет министрі А.Есқараев ҚР Президенті Қ. Тоқаев белгілеген Қазақстанның ШЫҰ-ға төрағалық етуі шеңберіндегі басым бағыттар Шанхай ынтымақтастық ұйымына мүше барлық мемлекеттер үшін стратегиялық маңызға ие болатынын атап өтті. Біздің төрағалығымыздың назарын да өзекті үш мәселе талқыға түседі: трансұлттық ұйымдасқан қылмыс, есірткі саудасы және киберқылмыс. Бұл стратегиялық бағыттар ҚР Президентінің 2023 жылғы 1 қыркүйектегі «Әділетті Қазақстанның экономикалық бағдары» атты Қазақстан халқына жолдауында көрсетілген. Сондай-ақ, министр А. Есқараев ҚР Әділет министрлігінің Әділет министрлері кеңесіне төрағалық етуі Шанхай ынтымақтастық ұйымын дамытуға және нығайтуға елеулі үлес қосатынын атап өтті. Қатысушылар әділет министрліктерінің қызметіндегі инновациялар туралы мәселелерді талқылады. Одан бөлек заң қызметтерін көрсету және сот-сараптама қызметі саласын одан әрі дамыту қажеттігі айтылды. Қатысушылар келесі жылы Қазақстанда кездесуге келісті. Оныншы кеңестің қорытындысы бойынша, ШЫҰ-ға мүше мемлекеттердің әділет министрлері бірлескен мәлімдемеге қол қойды. Қазақстандық делегация Шанхай ынтымақтастық ұйымына мүше мемлекеттердің әділет министрліктері арасында ынтымақтастықты дамыту мәселелері бойынша екіжақты және көпжақты кездесулер өткізді.

Айша ҚҰРМАНҒАЛИ, «Заң газеті»

1 шілдеден бастап Қазақстанда сұйытылған газ бағасы қандай болады?

Энергетика министрлігі сұйытылған мұнай газын бөлшек саудада өткізудің шекті бағалары туралы бұйрыққа өзгерістер дайындады.

Бүгін ауа райы қандай болады?

Синоптиктер 12 маусымда еліміздің 19 өңірінде қолайсыз ауа райына байланысты ескерту жасады.

Елімізде дәрі-дәрмек бағасы көтерілуі мүмкін бе?

Денсаулық сақтау министрі Ақмарал Әлназароваға осы жазда дәрі-дәрмек бағасының көтерілу ықтималдығы туралы сұрақ қойылды.

Қазақстанда тағы бір құжатты цифрлық нұсқада алуға болады

Қазақстанда тағы бір құжаттың цифрлық нұсқасы шықты. Орта білім туралы аттестат Egov Mobile қосымшасынан беріле бастайды.