Ағымдағы жылдың 14 тамызы мен 30 қыркүйегі аралығында Солтүстік Қазақстан облысының аумағында қылмыстық-атқару жүйесі Департаменті полиция Департаментімен бірлесіп «Участок» жедел-профилактикалық іс-шарасын өткізеді, оған Шал ақын ауданының пробация қызметінің қызметкерлері ПБ ЖПҚБ учаскелік инспекторларымен бірлесіп қатысты.
Аталған іс-шараның мақсаты профилактикалық есепте тұрған сотталғандардың жазаны өтеу шарттары мен тәртібін бұзушылықтарды анықтау және жолын кесу, қоғамдық тәртіпке қол сұғатын қылмыстық және әкімшілік құқық бұзушылықтардың қайталануына жол бермеу және алдын алу, сондай-ақ есепте тұрған контингенттің құқықтық және белсенді қоғамдық-пайдалы мінез-құлқын ынталандыру болып табылады.
Сонымен қатар есепте тұрған тұлғалардың жеке басын толық зерделеу және өмір салтының ақпараттық сипаттамасын алу үшін сотталғандармен бірге тұратын адамдармен жұмыс жүргізіледі.
Іс-шара барысында профилактикалық жұмыстар сотталғандардың тұрғылықты жерлері бойынша жүргізіледі, әлеуметтік байланыстар жүйесін қалпына келтіруге және қолдауды қалыптастыруға, жұмысқа орналасуға, ҚР заңнамасында белгіленген жеңілдіктер мен әлеуметтік төлемдерді алуға жәрдем көрсетіледі.
СҚО бойынша ҚАЖ Департаменті
Шал ақын ауданының ПҚБ бастығы
әділет капитаны
А.М.Спаен
