Қызылорда облысы бойынша Қылмыстық-атқару жүйесі департаментіне қарасты № 68 мемлекеттік мекемесінің жеке құрамы қыстық киім үлгісіне көшуіне байланысты саптық байқауға тұрғызылды. Бұл іс- шараны мекеменің кадр саясат тобының аға инспекторы, әділет капитаны Тұрымбетов Мирамбек Ұзақұлы ұйымдастырды. Дәстүрлі саптық тексеріс мекеме ғимаратының алдында өткізілді.
Кадр тобының маманы жеке құрам қызметкерлерінің қыстық киімдерін, сырт келбетін, жинақылығын тексерді. Жеке құрамның барлығы дерлік киім кию үлгісіне байланысты арнайы бұйрықтың талаптарына сәйкес екендіктерін көрсетті.
Мұндай саптық байқаулар жылына екі рет, яғни, көктемде (жаздық киімге көшкен кезде) және күзде (қыстық киім үлгісіне көшкенде) өткізіледі.
