Әлем есігін күнәсіз ашқан сәбидің қуанғаны, ана мен баланың қауышуы, алғашқы эмоциялар.. Әрине, әрбір ана осы сәттерді өміріндегі керемет кезең деп еске алады. Бұл әйел затының жүрегіне ерекше жылулық ұялататын аналық мейірімнің оянуы.
Осындай керемет көрініс біздің, Атырау облысы бойынша ҚАЖД №79 мекемесінде де теологиялық және психологиялық жұмысты жүзеге асыру мақсатында орын алды. Сотталған азаматшалар «Шаңырақ» балалар үйіндегі бүлдіршіндерімен кездесіп, мауқын басты. Өткен өмірдегі жіберген үлкен олқылықтың енді қайталанбасын іштей тілеген әр сотталған азаматша соңында балаларымен қимай-қимай қоштасты. Алдағы уақытта да мұндай іс-шаралар мекеме тарапынан өткізіліп тұрады.
