Сотталғандарға құқықтық көмек көрсетілді

Қазақстан Республикасының 2018 жылғы 5 шілдедегі №176-VІ «Адвокаттық қызмет және заң көмегі туралы» Заңының (әрі қарай-Заң) 26-бабының 1 тармағындағы «Құқықтық ақпарат беру түріндегі мемлекет кепілдік берген заң көмегін тегін алуға барлық жеке және (немесе) заңды тұлғалардың құқығы бар» деген талабын түсіндіру мақсатында №55 мекеме ғимаратында адвокаттар С.Алиева, А.Юлдаш, Н.Стамкулов және заңгер Е.Шалхардың қатысуымен жалпы 81 жазасын өтеушілер ​ ішінен 64 жазасын өтеушіге құқықтық сипаттағы көмек, ал 15 жазасын өтеушіге және 2 мүгедек жазасын өтеушіге Заңның 26 бабының 2 тармағындағы «Құқықтық консультация беру түріндегі мемлекет кепілдік берген заң көмегі», яғни басты МКЗК шеңберінде құқықтық көмек көрсетілді. Кездесу барысында семинар кеңесіне қатысушылар, яғни ​ жазасын өтеушілер өздеріне тиісті құқықтық көмектер алып, өз пікірлерімен бөлісті. Сонымен қатар, жазасын өтеушілер тарапынан көрсетілген құқықтық көмекке өз алғыстарын білдіріп, алдағы уақыттада осындай іс-шаралардың міндетті түрде ұйымдастырылуы жазасын өтеушілердің құқықтық сауаттылығын артыруға өз үлесін қосатынын көрсетті.