Астана қаласы бойынша ҚАЖ Департаментіне қарасты №3 мекемесінің режим бөлімінің қызметкерлерімен мекеме аумағынан тыс жерде орналасқан жұмыс объектілерінде жұмыс жасайтын сотталған азаматтарды тексеру жүргізілді. Тексеру барысында Р есімді сотталған азамат Қазақстан Республикасының ІІМ № 819 бұйрығының 158 бөлімі 3 тармақшасын, яғни қоңырау/жауап/смс функциялары бар мобильдік байланыс құралдарын қоспағанда, аудио-, фото- және бейнежазба функциялары бар құралды сақтап, пайдаланғаны анықталды. Режим бөлімі тексеру тобының аға жедел уәкілі әділет майоры Даурен Куралбаевич Кулжановтың айтуынша бүгін біз жаза мерзімін өтеп жүрген сотталған азаматтардың заңсыз әрекетін анықтап қоймай, сонымен қатар жаңа қылмыстардың да алдын алып отырмыз.
Алдағы уақытта бұндай заңсыз әрекеттер болдырмау мақсатында, сотталғандарды жұмыспен қамту бөлімімен бірлесе жұмыс берушілермен ақпараттық кеңестер өткізілетіні туралы мекеме бастығының РжЖЖ жөніндегі орынбасары әділет подполковнигі А.Жолдасбеков атап өтті.