Ақтөбе облысы бойынша ҚАЖ Департаментінің қызметкерлері облыс бойынша Құқық қорғау және арнайы органдар мен күштік құрылым қызметкерлері арасында қоян-қолтық ұрыстан өткен чемпионаттан 3 орынды жеңіп алды.
Ақтөбе облысының Полиция Департаментінің ұйымдастыруымен, құқық қорғау және арнайы органдар мен күштік құрылым қызметкерлері арасында қоян-қолтық ұрыстан өткен облыстық чемпионатқа Ақтөбе облысы бойынша ҚАЖ департаментінің командасы атынан 4 түрлі салмақтағы 4 қызметкер қатысты. Әр салмақта 16 адамнан құралған іріктеу кезінде топты жарып шығып, қоян-қолтық ұрыс кезінде 57 кг салмақ дәрежесіндегі әділет сержанты Бауыржан Амангелді 3 орынды, ал 88 кг салмақтағы әділет капитаны Данияр Нуралин 3 орынды жеңіп алды.
Ақтөбе облысы бойынша ҚАЖ Департаментіне қарасты №9 түзеу мекемесінің бақылаушы қызметіндегі Бауыржан Амангелді ҚАЖ саласында 2 жылдан астам, ал Ақтөбе қаласының Астана ауданы бойынша пробация қызметі бөлімінің инспекторы Данияр Нуралин ішкі істер органдарында 10 жылға жуық қызмет етуде. Аталған қызметкерлер бұған дейін де ішкі істер органдары қызметкерлері арасында өткен чемпионаттардан жүлделі орындармен оралған болатын.
Спорттан жоғары нәтижеге қол жеткізіп келетін ҚАЖ қызметкерлері алдағы күндері Қылмыстық-атқару жүйесі комитетінің ұйымдастыруымен Щучинск қаласында ҚАЖ қызметкерлері арасында өтетін чемпионатқа қатысатын болады.
Гүлфайруз Төремұратова,
Ақтөбе облысы бойынша ҚАЖ Департаментінің баспасөз хатшысы
