Ойынқұмарлық — аса қауіпті психологиялық дерт. Құмар ойындардан келетін қауіптің үлкендігі соншалық, бұл ауруға бой алдырудың соңы — адамды жақындарынан алыстатып, өмір маңыздылықтарынан ажыратады. Тәуелді адамның жағдайы ең алдымен отбасына әсер етеді. Салдарынан отбасы мүшелері қаражат жағынан, психо-эмоционалдық жағынан зардап шегеді, көп отбасы ажырасып кетіп жатады.
Ақтөбе облысы бойынша Қылмыстық-атқару жүйесі департаментінің жеке құрамымен, сондай- ақ Департаментке қарасты №8, №9, №70 мекеме қызметкерлеріне «Ойынқұмарлық- заман дерті» тақырыбында семинар-дәрістер өткізілді.
Семинар барысында жеке құрамға ойынқұмарлықтың себептері, белгілері және оның салдары бойынша толық ақпараттар беріліп, құмар ойындарға тәуелдіктің алдын-алу мақсатында дәріс оқылды. Қосымша слайд, бейнероликтер көрсетіліп, ойынқұмарлықтың салдары бойынша түсіндіру жұмыстары жүргізілді.
Гүлфайруз Төремұратова,
Ақтөбе облысы бойынша ҚАЖ департаментінің баспасөз хатшысы
