«Ардагерлер ұйымдарымен өзара іс-қимыл туралы» Қазақстан Республикасы ІІМ-нің бұйрығын іске асыру шеңберінде ІІО және ҰҰ ардагерлер кеңесінің төрағасы милиция генерал-майоры Ө.Қ. Болсамбековпен Астана қаласы бойынша Қылмыстық атқару жүйесі Департаментінің және оның бағынысты мекемелерінің жеке құрамымен кездесу өткізді.
Ішкі істер органдарының ардагерлер ұйымдары жеке құрамды Отанға адалдық, идеялық сенім, мемлекетке, қоғамға құрмет, азаматтыққа, ұрпақтар сабақтастығына, әлеуметтік-маңызды қасиеттерге, сыбайлас жемқорлықтың кез келген көріністеріне төзбеушілікке тәрбиелеуге елеулі үлес қосады.
Ішкі істер органдарының имиджін арттыру, ІІО дәстүрлерін насихаттау жөніндегі қызметте тұрақты негізде көмек көрсетеді, полиция қызметкерлерін құқықтық тәрбиелеуге қатысады, полиция қызметкерлерінің кәсіби шеберлік дағдыларын игеруіне және тәлімгерлік қызметке белсенді жәрдемдеседі.
ІІО ардагерлері жеке құрамды идеологиялық және патриоттық тәрбиелеу бойынша жұмысқа тартылады.
