Қызылорда облысының Сыбайлас жемқорлыққа қарсы қызметі облыс әкімдігінің Ветеринария басқармасының басшысын жемқорлыққа қарсы заңнаманы бұзғаны үшін жауапкершілікке тартты.
Мониторинг барысында басқарма басшысының Қазақстан Республикасының Әкімшілік құқық бұзушылық туралы Кодексінің 680-бабында (мемлекеттік органдар басшыларының сыбайлас жемқорлыққа қарсы іс-қимыл бойынша шаралар қолданбауы) көзделген әкімшілік құқық бұзушылық жасау фактісі анықталды.
Атап айтқанда, ол «Сыбайлас жемқорлыққа қарсы іс-қимыл туралы» Заңның талаптарын бұза отырып, қызметке қабылданғанға дейін активтері мен міндеттемелері туралы декларацияны ұсынбаған адамды қызметке тағайындады.
Қызылорда қаласының әкімшілік құқық бұзушылық жөніндегі мамандандырылған сотының қаулысымен әкімдік басқармасының басшысы 70 АЕК мөлшерінде айыппұл салумен әкімшілік жауапкершілікке тартылды.
