Алматы және Жетісу облыстары бойынша ҚАЖ Департаментіне қарасты №10 мекемесінде жаздың ең қызықты сәті — 2023 жылғы Спартакиадасының ашылуына арналған салтанатты іс шара ұйымдастырылды.
Іс-шара «Sport tarihy» жазғы Спартакиаданың жеті жасақтың командаларын таныстыру сайысымен басталды.
Сотталған әйелдер спорттық ойындардың алғаш пайда болған тарихынан көріністер көрсетіп, көрермендердің спорт жөніндегі білімдерін арттыра түсті. Сонымен қатар, салтанатты іс-шарада Мадагаскар, ежелгі Мысыр, ежелгі Грекия сондай ақ Викинг, Амазонка мен Ваканга тайпаларынан басталған спорт өнерінің тарихын айқындады.
Жазғы Спартакиаданың ашылу салтанатының соңында, мекеме әкімшілігінен құрылған әділ қазылар алқасы «Спорт тарихын таныстыру » сайысының қорытындыларын жариялап, қатысушыларға алдағы спорт жарыстарында жеңіске жетуге тілек білдірді.
