Бүгін Қазақстан Республикасындағы адам құқықтары жөніндегі уәкілі А.Е.Ластаев, Адам құқықтары жөніндегі Ұлттық орталықтың басшысы С.П.Тұрсынбековамен сол орталықтың бөлім басшысы С.Ж.Сейтжанов және Шымкент қаласының прокуроры Ғ.Қ.Мұқанов, Ұлттық алдын алу тетігі өкілдерінің қатысуымен Шымкент қаласы жене Туркістан облысы бойынша ҚАЖ департаменті N:78-ші мекемесіне адам құқықтарын қорғау саласы бойынша аралау жұмыстары жүргізілді. Аралау барысында мекеменің жасақ аймақтары, емдеу бөлімі, асхана, тігін шеберханасы және мекеменің аумағындағы жеке кәсіпкерлерде жұмыс істейтін сотталғандардың жұмыс жағдайы тексерілді . Сондай-ақ сотталғандардың жеке сұрақтары бойынша қабылдау жұмыстары жүргізілді. Қабылдау барысында туындаған мәселелерді шешуге мекеме әкімшілігіне тиісті ұсыным берді. Өткізілген іс-шара қорытындысымен Қазақстан Республикасындағы адам құқықтары жөніндегі уәкілмен оң баға берілді.
Шымкент қаласы және Түркістан облысы бойынша
ҚАЖ департаментінің баспасөз қызметі
