«Адамды адам еткен — кітап, адамзат еткен — кітапхана». Ә.Кекілбаев…
Атырау облысы бойынша ҚАЖ департаменті #79 мекемесі мен «Атырау қалалық орталықтандырылған кітапханалар жүйесі» коммуналдық мемлекеттік мекемесі арасында ынтымақтастық туралы келісім-шартқа қол қойылды.
Мақсаты — ақпараттық, құқықтық мәдениетті қалыптастыру, рухани тәрбие және адамгершілікке баулу, салауатты өмір салтын насихаттау, оқырмандардың әртүрлі әдебиеттерге сұраныстарын арттыру және өз өлкесін таныту тұрғысында мағлұматтар ұсыну. Екі жақты шарт негізінде кітапханалық-библиографиялық қызметтер мен мәдени көпшілік іс-шараларды өткізу және мекеменің кітапхана қорын жаңа әдебиеттермен толықтыру жұмыстары келісілді.
