ҚАЖ мекемесінде Жеңіс күніне арналған үздік қабырға газеті байқауы өткізілді

Қауіпсіздігі орташа ҚАЖ мекемесінде сотталғандар арасында Жеңіс күніне арналған үздік қабырға газеті байқауы өткізілді. Іс-шараның мақсаты – Ұлы Отан соғысы ардагерлерінің ерлігіне құрмет көрсету, патриоттық тәрбиені нығайту және сотталғандардың шығармашылық қабілеттерін дамыту болды.
Байқау барысында қатысушылар Отан қорғаушылардың ерлігі мен батырлығын, соғыс жылдарындағы тарихи оқиғаларды, сондай-ақ Ұлы Жеңістің келер ұрпақ үшін маңызын бейнелейтін тақырыптық қабырға газеттерін ұсынды. Жұмыстар мазмұндылығымен, ерекше безендірілуімен және шығармашылық көзқарасымен ерекшеленді.
Байқау қорытындысы бойынша үздік жұмыстар мекеме әкімшілігі тарапынан марапатталды. Аталған іс-шара сотталғандар арасында ел тарихына құрмет сезімін қалыптастыруға, халық ерлігін ұмытпауға және мәдени-тәрбиелік жұмысты дамытуға оң ықпалын тигізді.