Ағымдағы жылдың 25 қараша мен 10 желтоқсаны аралығында «Әйелдерге қатысты зорлық-зомбылықты бірлесіп тоқтатайық!» ұранымен «Әйелдерге қатысты зорлық-зомбылықсыз 16 күн» акциясы өтуде.
Тұрмыстық зорлық-зомбылықтың алдын алу, болдырмау, әйелдердің құқығын қорғау мақсатында Арыс қаласы адами әлеуетті дамыту мемлекеттік мекемесіне қарасты «И.Журба» және Б.Момышұлы атындағы жалпы білім беретін мектеп оқушыларына «Тұрмыстық зорлық-зомбылықтың алдын алу туралы» заңының негізгі ережелерін түсіндіру және ақпарат беру ұйымдастырылды.
Қазақстан Республикасында Гендерлік теңдік стратегиясын іске асыру, әйелдерді зорлық-зомбылықтан қорғау құрылымдарымен қызметін жақсарту және жетілдіру, ана мен баланы қорғауға, қоғамдағы отбасы рөлін күшейту мақсатында Арыс аудандық ПБ-нің әйелдерді зорлық-зомбылықтан қорғау жөніндегі инспекторы А.Мырзахметова, «Әлеуметтік психологиялық сүйемелдеу қызметі» сектор меңгерушісі Ж.Абылова, аудандық ауруханасының дәрігер акушер-гинекологы Алимкулова А.Н. Арыс аудандық сотының бас маманы Д.А.Заурбек , Арыс қаласының адами әлеуетті дамыту бөлімінің психолог әдіскері Б.Момынкулова және полицияның қоғамдық көмекшілері қатысты.
Ұсыныс-пікірлер айтылып, қойылған сұрақтарға жауаптар берілді.
Іс шара кезінде үнпарақтар таратылып, видеоролик көрсетілді. » ЗОРЛЫҚ -ЗОМБЫЛЫҚҚА ЖОЛ ЖОҚ» флешмобы ұйымдастырылды.
