Жетісу облысының тұрғындары жер сілкінісін сезді, — деп хабарлайды Massaget.kz тілшісі.
ҚР ТЖМ «Сейсмологиялық байқау және зерттеулер ұлттық ғылыми орталығы» ЖШС-нің мәліметінше, жер сілкінісі 2024 жылғы 5 қарашада Астана уақыты бойынша 23:45-те Жетісу облысында тіркелген.
Құрбандар мен қираған ғимараттар туралы ақпарат түспеген.
Жер сілкінісінің координаттары: 44.280 с.е. 79.740 ш.б. Жер сілкінісінің ошағы Алматы қаласынан солтүстік-шығысқа қарай 257 шақырым жерде орналасқан.
Есептік қарқындылық (балмен):
- Алматы 2 балл;
- Жаркент қаласы 3 балл;
- Шонжы ауылы 4 балл;
- Текелі 3;
- Қырғызсай ауылы 2 балл;
- Қарабұлақ кенті 2 балл;
- Жансүгіров ауылы 2 балл;
- Көкпек ауылы 2 балл;
- Сарқан қаласы 2 балл;
- Талдықорған қаласы 2 балл.
Еске салайық, бұған дейін 2024 жылғы 5 қарашада Астана уақыты бойынша 22:58-де Алматыдан солтүстік-шығысқа қарай 388 шақырым жерде, Жетісу облысында жер сілкінді.
