Бүгінгі күні халықтың сыбайлас жемқорлыққа қарсы санасын қалыптастыру маңызды. Ол үшін, ең алдымен, сыбайлас жемқорлыққа қарсы сана қажет. Сонда ғана адам адамгершілікке жат қылықтардан бойын аулақ ұстай бастайды, заңға қайшы келетін әрекеттерді жасауға жол бермейді. Азаматтар сыбайлас жемқорлықты елдің дамуын тежейтін аса қауіпті қоғамдық дерт деп тануы тиіс. Әрбір тұрғынның құқықтық санасы мен мәдениеті берік болып, қарсы тұруы керек.
Қоғамда сыбайлас жемқорлыққа қарсы мәдениетті қалыптастыруға ерекше көңіл бөлінуде. Дамыған елдерде сыбайлас жемқорлыққа қарсы саясатты іске асыру барысында сыбайлас жемқорлықты рухани жағынан қабылдамауға мән беріледі. Әрбір азамат өзін сыбайлас жемқорлыққа қарсы мүлдем төзбеушілікке тәрбиелеуі керек. Қазір сыбайлас жемқорлықтың барлық түрлерін жою үшін Қазақстан азаматтарының құқықтық санасын арттыру жүргізілуде.
Өйткені олар сыбайлас жемқорлыққа қарсы білімінің болмауына байланысты абайсызда сыбайлас жемқорлықтың қатысушылары болып қалады. Сондықтан қандай жағдай орын алса да заңдарды оқыған жөн.
Біздің елімізде тәуелсіздіктің алғашқы күндерінен бастап әлемдік стандарттарға сәйкес келетін сыбайлас жемқорлыққа қарсы іс-қимылдар жүзеге асырылып келеді. Мақсаты мемлекеттің сыбайлас жемқорлыққа қарсы саясатының тиімділігін арттыру, сыбайлас жемқорлыққа қарсы қозғалысқа бүкіл қоғамды тарту және Қазақстанда сыбайлас жемқорлық деңгейін төмендету. Сыбайлас жемқорлықпен күресте көп нәрсе бүкіл қоғамның белсене атсалысуына байланысты.
Пара бермеңіз, пара алмаңыз! Осылайша ғана өз үлесіңізді қосасыз.
Нүргүл РАЙҚҰЛОВА, Қызылорда қалалық сотының бас маманы, сот отырысының хатшысы
