Илон Маск өзінің жасанды интеллектісі – Grok-тың балаларға арналған нұсқасы әзірленіп жатқанын жариялады, деп хабарлайды BAQ.KZ.
Бұл туралы миллиардер бұрынғы Twitter, қазіргі X әлеуметтік желісіндегі парақшасында жазды.
Біз xAI жобасы аясында балалар контентіне бағытталған Baby Grok-ты жасаймыз, — деді ол.
The Economic Times басылымының хабарлауынша, бұл сервис – қазіргі Grok жүйесінің жеңілдетілген нұсқасы болып табылады. Ол балалармен қауіпсіз, танымдық әрі қызықты қарым-қатынас жасауға арнайы бейімделген.
Baby Grok – негізгі Grok моделінен бөлек жұмыс істейтін жеке қосымша ретінде әзірленуде. Бұл қатал модерациямен қамтамасыз етілетін чат-бот. Мақсаты – балалар мен жасөспірімдер үшін қауіпсіз әрі жағымды цифрлық орта қалыптастыру.