Биыл наурыз мерекесі елімізде ерекше тойлануда. Жаңаша мәнге ие болған мерекедегі мейірім күні ІІМ М.Есболатов атындағы Алматы академиясында да өзгеше аталып өтті.
Атап айтқанда тағдырдың ауыртпалығына ұшыраған балаларға көмек қолын созып жүрген “Менің Арманым” корпоротивтік қорының өтінішімен 11 жастағы Нұрасыл атты жеткіншек Академияға келіп, іргелі оқу орнының тыныс тіршілігімен танысты. «Менің Арманым» қорының ондағы мақсаты – болашақта полиция қызметкері болуды армандайтын Нұрасылды Академия өмірімен таныстыру.
Арманшыл баланы үлкен ізетпен қарсы алған академия басшылығы оған зор мүмкіндік тудырды. Нұрасыл академиядағы музейдің жәдігерлерін тамашалап, спорт залдағы түрлі жаттығуларды көріп, риза болды. Сондай-ақ ол полиция қызметкерлері қолданатын қарулармен де танысты.
Ауыр дертпен күресіп жүрген Нұрасылдың қалауын орындап, мейірімділік танытқан Академия басшылығы естелікке сыйлық ұсынып, оны шексіз қуанышқа бөледі.
Курсанттардың өмірімен танысқан жеткіншек талпынса өмірдегі арманының орындалатынына сеніммен аттанды.
2026 жылғы 25 қыркүйек – Қазақстан Республикасындағы Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
