Абай облысында қауіпсіздігі аралас мекемеде, жас қызметкерлермен жүргізілетін тәлімгерлік жұмыс аясында, жас қызметкерлердің жанұя мүшелеріне құрмет көрсету мақсатында, кездесу ұйымдастырылды. Кездесуге келген мекеменің тәрбие бөлімінің теологиялық, оңалту жұмысын ұйымдастыру тобының инспекторы Жуматханова Аяланың жолдасы: Оразбаев Бекзатқа мекеме әкімшілігі, тұрмыста Аяланың қызметін үздік атқаруға үлес қосып, қолқанат және көмекші бола білгені үшін алғысын білдірді.
Аяла мен Бекзат өнегелі жас жанұя. Абай облысы бойынша полиция департаментінің капитан шеніндегі қызметкері Бекзат, құқыққорғау органдарында қызметтің ерекшелігі мен қиыншылығын жақсы біледі. Сондықтан да Аялаға барынша қолдау көрсете біледі.
Мекеме бастығының тәрбие жөніндегі орынбасары Айдын Калелов, Аяла мекемеге келген 10 ай мерзімінде, өз қызметін үздік орындап қана қоймай, өзінің әріптестеріне де қажет уақытта көмекке келуге даяр жан екенін және мекеме ішіндегі барлық іс-шараларға жең түре белсенді қатысатынын айрықша атап өтті.
12 маусым - Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
