spot_img
spot_img

Жол сапасы — жіті бақылауымызда

Ағымдағы жылдың 15 тамыз — 15 қыркүйек аралығында “Әділдік жолы” республикалық қоғамдық бірлестігі мен ҚР Сыбайлас жемқорлыққа қарсы іс-қимыл агенттігінің үйымдастыруымен “Әділдікті талап ет!” республикалық акциясы өткізілді.

Науқанның басты мақсаты – қоғам арасында жемқорлыққа төзімсіздік ортасын қалыптастырып, бұл үрдіске ел азаматтарын барынша жұмылдыру болды. Аталмыш іс-шара жемқорлықтың болуы немесе орын алуы мүмкін деген, қоғамды алаңдататын мәселелердің кең ауқымын кезең-кезеңімен қамтыды..

Бірінші кезеңде автожол саласындағы мәселелерге тоқталып, жолдарды салу, жөндеу және күтіп ұстау барысындағы жемқорлық тәуекелдерін анықтауға назар аударылды.

2022 жылғы 14 шілдеде Үкіметтің кеңейтілген отырысында Мемлекет басшысы Қ-Ж.К.Тоқаев жол салу саласында сыбайлас жемқорлыққа бейімділік көрсеткішінің жоғары екенін атап өтіп, елімізде жол салу барысында 10 жыл ішінде болған бұзушылықтарды мұқият тексеруді тапсырған. «Еліміздің жолдары нашар екені және жол құрылысы саласын жемқорлық жайлағаны ешкімге жасырын емес. Жалпы, бұл салада қордаланған мәселе көп… Жолдың нашар сапасына қатысы бар барлық кінәлілерді Заңға сәйкес жауапкершілікке тарту қажет», — деді мемлекет басшысы.

Азаматтар науқанға Adildik.kz веб-сайты арқылы қосылып, 1463 Call center бойынша Қазақстан автожолдарын салу, жөндеу және күтіп ұстау саласындағы жемқорлық туралы ақпаратты хабарлау арқылы қатысты.

Акция барысында Шымкент қаласы бойынша 128 өтініштер, 1463 колл орталығына 13 өтініш келіп түскен. Сапасыз жол бойынша ең көп арыз Абай ауданы бойынша келген.

Сонымен қатар, акция барысында Шымкент қаласы автомобиль жолдары және жолаушылар көлігі басқармасынан кепілдік мерзімінде тұрған жолдардың тізімі сұратылды. Уәкілетті орган ұсынған ресми мәлімет бойынша мұндай жолдар — 120. Берілген тізім бойынша кепілдік мерзіміндегі жолдарға таңдамалы түрде тексеріс жүргізілді.

Тексеріс барысында анықталған құқықбұзуышылықтар бойынша уәкілетті органдарға тиісті хаттар жолданды. Нәтижесінде кепілдігі бар 7 жолдың сапасыз жөндеуі қалпына келтірілді. Кепілдігі жоқ және коммуналдық, жол белгілерінің дұрыс қойылуы т.б. мәселелер бойынша ондаған мәселе оң шешімін тапты.

Жалпы акция қорытындысы бойынша жол құрылысы саласындағы нормативтік-құқықтық актілердің барлығы зерделеніп, бірлестік тарапынан республикалық деңгейде 17 мәселе анықталып, ұсыныстар жолданды.

Сапасыз жолдар – адамдардың өміріне қауіп төндіретін жол апаттарының, тасымалмен айналысатын бизнес-қауымдастығының өзекті проблемасы болып отыр. Жалпы, транспорт жүйесі – ұлттық экономика үшін маңызды деп саналатын еліміздің инфрақұрылымы. БӘФ Ғаламдық бәсекеге қабілеттілік индексінің көрсеткішіне сәйкес жол сапасы жөнінен біздің ел 138 орынның 108-ші орнында орналасқан.

Сол себепті жол сапасы әрқашан біздің жіті назарымызда бола бермек.

Айжан Кесебаева

“Әділдік жолы” РҚБ Шымент

қаласындағы филиалының

басшысы

Маңғыстауда «Пробациялық бақылау» ЖПШ өтуде

Маңғыстау облысы бойынша ҚАЖ департаментінің пробация қызметкерлері 26-28 қаңтар...

Орал қаласы бойынша пробация қызметінің инспектор-психологы іс-шара өткізді

2023 жылдың 26 ​​қаңтарында Орал қаласы бойынша пробация қызметінің...

Қазақстанда шетелдіктерге арналған «визаран» ресми түрде жойылды

27 қаңтарда Қазақстанда иммигранттардың келу және болу, кетуіне жауап...

6505 әскери бөлімінің 9 жеке атқыштар ротасын жас толықтыруға жауангерлік қару табысталды

ЖЖ-6505 жеке атқыштар ротасының 9 саптық шеру жас толықтартыруларға...