Сарыағаш полициясына жергілікті тұрғын арызданып, таныстары Атырау қаласына «электромонтаж» лауазымына жұмысқа кіргізіп беремін деп алдағанын жеткізген. Содан күдікті жәбірленушінің сеніміне кіріп, жеке куәлігін сұратып, есепшот арқылы 200 000 теңге ақша салып жіберуін айтқан. Арада бірнеше ай өткен соң өзінің алданғанын білген жәбірленуші уақыт өткізбей полиция қызметкерлерінің көмегіне жүгінді. Аталған жайт ҚР ҚК-нің 190-бабы «Алаяқтық» бойынша тіркелді.
Тәртіп сақшылары іздестіру шаралары барысында күдіктінің бұдан бөлек 5 жайтқа қатысы барын анықтады. Ол Ақтөбе қаласының тұрғыны орта жастағы келіншек болып шықты.
Полицейлер жауап алу барысында жәбірленушілер күдіктінің әлеуметтік желі арқылы ортақ чат ашып, ондағы азаматтардың барлығына «Атырау қаласына жұмысқа орналастырып беремін»- деп жұмыссыз жүрген тұрғындарға үміт бергенін айтқан.
Қазіргі уақытта алаяқтық жайттары бойынша сотқа дейінгі тергеу амалдары жүргізілуде. Полиция қызметкерлерімен күдіктінің басқа да алаяқтыққа қатыстылығы анықталуда.
Түркістан облысы ПД баспасөз қызметі
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
